Հնդկաստանը նման է մի ծովի, որքան նրանով երկար ես գնում, այնքան խորն է դառնում:

Երկիրն այն, որ ընկած է օվկիանոսից հյուսիս,.
ԵՎ ձյունապատ լեռներից հարավ, կոչվում է Բհարատ,.
Քանի որ նրա բնակիչները Բհարատի հետնորդներն են:

13 дек. 2017 г.

Հնդկական Հաց - Նաան


Բաղադրատոմսը.

1 բ գոլ ջուր
⅔ բ մածուն
2 ճ գ բուսական յուղ, ես ձիթապտղինն եմ օգտագործում
2 ճ գ մեղր, կամ 1.5 ճ գ շաքարավազ
2 թ գ չոր դրոժ
1 ճ գ աղ
3.5 – 4 բ ալյուր, որ ստացվի փափուկ, չկպչող խմոր


Կարագով քսուկի համար.

50 գրամ հալեցրած կարագ
0.5 թ գ կարրի փոշի
1 պճեղ ճզմած սխտոր
Կարմրր տաքդեղ, աղ ըստ համի
Մի քիչ էլ շատ մանր կտրատած մաղադանոս

Պատրաստման եղանակը.


Աղբյուրը - Heghineh Cooking Show

25 авг. 2017 г.

Գանեշա Չատուրթի

Հինդուիստներն այսօր նշում են բարգավաճման և իմաստության աստված Գանեշայի փառատոնը (պաշտոնական - Ganesha Chaturthi կամ Vinayaka Chaturthi):


Տոնակատարությունը նշվում է հանրայաին վայրերում՝ տեքստերի ընթերցմամբ, խմբակային խնջույքներով, անցկացվում է նաև մարզական մրցույթներ:
Այս օրը քաղաքների և գյուղերի փողոցներում կարող եք տեսնել տարբեր մեծ ու փոքր խմբերի երթ: Մի քանիսը սկզբից տանում են իրենց կուռքի արձանը, իսկ ամբոխը ծափահարություններով, նվագախմբով հետևում նրանց:


Պատմությունը.
Գանեշան Շիվա աստծո և նրա կին Պարվատիի որդին է: Նա Երկիրը կառավարում էր իմաստությամբ, կարողանում էր լուծել բոլոր խնդիրներն ու հաղթահարել յուրաքանչյուր արգելք:
Մի անգամ Շիվան բարկանում է որդու վրա, որը պատշաճ քաղաքավարությամբ չէր ողջունել իրեն, և կտրում է նրա գլուխը: Պարվատին ամուսնուն աղաչում է վերակենդանացնել երեխային, և աստված Գանեշային վերադարձնում է կյանք, բայց այս անգամ՝ փղի գլխով:


Այդ ժամանակից ի վեր փիղը Հնդկաստանում համարվում է իմաստուն կենդանի:
Որպեսզի սփոփեին վերակենդանացած Գանեշային, աստվածները նրան ընծաներ են ուղարկում. իմաստության մեծն աստվածուհի Սարասվատին նրան նվիրում է ձետուր և թանաք, երկրի աստվածուհի Պրիտհիվին նրա մոտ ծառայության է ուղարկում մի առնետի, որը դառնում է Գանեշայի նժույգը:


8 июн. 2017 г.

Հինդի - Այբուբեն

Հնդկերեն գրավոր լեզուն կազմված է երկու համակարգից՝ գրաֆիկա և դևնագրի այբուբեն: Դևնագրի այբուբենը բացի հնդկերենից օգտագործվում է նաև սանսկրիտում, այն լայն տարածում ունի նաև հյուսիսային Հնդկաստանի ժողովուրդների մոտ: Հարավային Հնդկաստանում այն չի օգտագործվում: Հինդի լեզվի հիմքում ընկած է սանսկրիտը՝ աշխարհի հնագույն լեզուներից մեկը: Հնդկերենում գրում և կարդում են ձախից աջ՝ ինչպես հայերենում: Հինդի լեզվում կա 12 ձայնավոր և 36 բաղաձայն: Այս լեզվում գոյություն ունեն միայն փոքրատառեր: Բառամիջում ձայնավորների փոխարեն օգտագործվում են հատուկ նշաններ, որոնք կոչվում են մատրաներ: Յուրաքանչյուր ձայնավոր ունի կարճ և երկար արտասանություն:
Օրինակ՝ इ - Ի, ई - Ի՜

Ձայնավորներ.
अ - ը
आ - ա՜
इ - ի
ई - ի՜
उ - ու
ऊ - ու՜
ए - է
ऐ - է՜
ओ - օ

औ - օու՜
अं - ըն
अः - ըհ
ऋ - րի


Բաղաձայներ.
क - կ 
ख - քհը
ग - գ
घ - գհը
च - ճ
छ - չ
ज - ջ
झ - ջհը
ट - տ
ठ - տհը
त - տ
थ - թհը
ड - դ
ढ - դհը
द - դ
ध -դհը
ण - ն
न - ն
ङ - նգը
ञ - նը
प - պ
फ - փ
ब - բ
भ - բհը
म - մ
य - յ
र - ռ
ल - լ
व - վ
श - շ
ष - շա
स - ս
ह - հ
क्ष - կշը



Քանի որ հինդի լեզուն բաղկացած է ոչ միայն գրաֆիկայից այլ նաև դևնագրի համակարգից ուստի այդ լեզվում կան տառեր, որոնք կառուցվում են այբուբենից վերցված տառի և կետի օգնությամբ: Այդ տառերն են՝
ज़ - զ
ग़ - ղ
ख़ - խ
ड़ - ր
ढ़ - ռհը
फ़ - ֆ

Մատրաներ.
  • आ - ा
  • इ - ि
  • ई - ी
  • उ - ु
  • ऊ - ू
  • ए - े
  • ऐ - ै
  • ओ - ो
  • औ - ौ
  • ऋ - ृ
Ստորև տրված են բաղաձայներն ու նրանց միացյալ գրելաձևերը.


Այս ցանկում իհարկե բոլոր հնարավոր դեպքերը չեն (կան հարյուրավոր միացյալ տառեր), բայց եթե հասկանաք այս աղյուսակի մեխանիզմը(հարմար բառ չգտա :Դ), կկարողանաք պարզել և մնացածինը...:




22 мая 2017 г.

Վարանասի

Ավանդության համաձայն՝ Գանգես գետի ափին՝ Ուտտար Պրադեշի նահանգում, հնդկական աստված Շիվայի կողմից առնվազն 3000 տարի առաջ հիմնադրված Վարանասին մեզ հասած ամենահին քաղաքն է աշխարհում և հինդուների ուխտագնացության ամենասրբազան վայրերից մեկը:


Ամեն տարի ավելի քան մեկ միլիոն հինդու ուխտագնացներ են այցելում Վարանասիի աստվածային Շիվայի և Շակտի հոյակերտ սրբազան վայրերն ու տաճարները: Ուխտավորները գալիս են այստեղ Գանգես գետի սրբազան ջրերում լողանալու համար, քանի որ նրանք հավատում են, որ դա կմաքրի իրենց մեղքերը և կավարտի վերածնվելու շրջանը:


Լողանալու ծիսակարգի համար կա մոտավորապես 100 հայտնի ղհատ (անմիջապես գետի մոտ իջնող աստիճաններ): Ամենահայտնի ղհաթը Դասասվամեդն է, որը բառացիորեն նշանակում է "տասը սրբազան ձիերի դիմացի գետ", այդ անվանումը կապված է այն առասպելի հետ, որի համաձայն՝ Բրահման (հինդուիզմը ստեղծող աստված) արտաքսված Շիվա աստծո վերադարձի համար ձի է զոհաբերել:

Dashashwamedh

Այս ղհաթը, ուր հաճախ եկել են սադհուները կամ հինդուների սրբերը, գտնվում է բազմաթիվ հայակապ տաճարների և սրբավայրերի դիմաց, իսկ Դասասվամեդում լողանալու ծիսակատարությունը քաղաքի ամենագեղեցիկ և խորհրդանշական տեսարաններից մեկն է:



8 апр. 2017 г.

Լադու - Հնդկական քաղցրավենիք

Լադու աղանդեր սիսեռի ալյուրից, բուսայուղից, ընկույզով, կոեկոսի փաթիլներով և քաղցր համեմունքներով՝ դարչին, հիլ և մշկընկույզ, որոնք շատ տարածված են հարավային Ասիայում...:
«Լադու» անվանումը ծագում սանսկրիտերեն լադդուկա (կամ լատիկա) բառից, որը նշանակում է «փոքրիկ գնդիկ»: Այն իրենից ներկայացնում է քաղցր ծիրանի չափի քաղցր գնդիկներ: Այն պատրաստում են սպիտակաձավաից, սիսեռի կամ ցորենի ալյուրից. կան պատրաստման բազում ձևեր և բաղադրատոմսեր: Լադուն հաճախակի պատրաստում են տոնակատարությունների և ֆեստիվալների համար:


Առանձնացվում են լադուի միքանի տեսակներ, օրինակ շամբալայով լադու, որը հանդիսանում է օգտակար միջոց ստամոքսի հետ կապված խնդիրների ժամանակ:
Կամ չամիչով պատրաստված լադուն, որը խորհուրդ է տրվում հղիներին և կերակրող մայրերին:


Ռավա լադուն պատրաստվում է սպիտակաձավարից, շաքարից, բուսայուղից: Բաղադրատոմսի տարբեր տեսակներում ավելացնում են չամիչ, հիլ, հնդկական ընկույզ, կոկոսի փաթիլներ:

Ռավա Լադու
Ձեզ եմ ներկայացնում լադուի պատրաստման մի եղանակ մաննիով.
Բաղադրիչներ.
Մաննի - 1 բաժակ
Խտացրած կաթ - 100գ.
Կոկոսի փոշի - 1/4 բաժակ
Կաթ - 12 ճաշի գդալ :Դ
Հալած յուղ - 2 ճաշի գդալ
Շաքարավազ - 1/2 բաժակ
Հնդկական ընկույզ - 12 հատ
Չամիչ - 1 ճ. գ.
Հիլ - 5 ճ. գ.

Պատրաստման եղանակը.
1. Տաքացնել թավան, ավելացնել հալած յուղը:
2. Հնդկական ընկույզը (ոչ շատ մանրացրած) մաննիի հետ լցնում ենք թավայի մեջ և խառնում:


3. Մաննի պատրաստման ժամանակ պետք է գազօջաղը լինի միջին ջերմության, անընդհատ խառնել, մինչև այն կդառնա բաց ոսկեգույն(8-10 րոպե)
4. Մաննիի և ընկույզի վրա ավելացնում ենք մեկ քառորդ բաժակ կոկոսի փոշին, և շարունակում խառնել ևս 1-2 րոպե:


5. Ավելացնում ենք խտացրած կաթը, հետո շաքարավազը: Խառնում և տրորում բոլոր բաղադրիչները այնքան, մինչև ունենանք հարթ զանգված:


6. Աղում ենք հիլի սերմերը և չամիչի հետ ավելացնում լադուին:


7. Ավլացնում ենք նշված քանակությամբ (սենյակային ջերմաստիճանի) կաթը, մի փոքր թողնում, որ այն ներծծվի խառնուրդին, ապա թավան վերցնում կրակից:


8. Սարքում ենք փոքր գնդիկներ, և արդեն աղանդերը պատրաստ է մատուցման:


Լադուն հաճախ պատրաստում են ֆեստիվալների կամ ընտանեկան միջոցառումների համար, ինչպիսիք են հարսանիքները, ծնունդները, կամ մատուցվում է պռասադի տեսքով (prasad) հնդկական տաճարներում, հատկապես Անդհա-Պրադեշի, Տիրումալի ,Վենկատեշվարի տաճարում:


Տես նայ - Ջալեբի , Ռասգուլա

5 янв. 2017 г.

Հինդի - अ և आ ձայնավորները

Հինդի լեզուն իրենից ներկայացնում է միանգամայն բարդ
ամբողջություն, որին բնորոշ է տարատեսակությունը:
(c) Պ. Բարաննիկով

Հինդիի տարածվածությունը

Հինդիում ձայնավորները տարբերվում են տևողությամբ, շարքով, բարձրացմամբ, շուրթերի դրքով և փափուկ քիմքի դիրքով: Ըստ տևողության՝ ձայնավորները բաժանվում են երկարների և կարճերի: Հինդիում ձայնավորների երկար-կարճ հակադրությունն ունի իմաստատարբերակիչ նշանակություն. օրինակ՝ kam քիչ - kām աշխատանք: Բացի պարզ ձայնավորներից, հինդիում գոյություն ունեն երկբարբառներ (դիֆթոնգներ)։ Սանսկրիտական բառերում հանդիպում են այսպես կոչված վանկային բաղաձայններ ŗ -ն և ļ-ն, որոնք արտասանվում են [ri] և [li]: Որոշ բառերում առանձին ձայնավորներ կարող են ազատ ձևափոխվել՝ չփոխելով բառերի նշանակությունը. օրինակ՝ bāhar - bāhir 'դուրս, դրսից':


Առաջին ձայնավորը, որ պետք է սովորենք. ինպես հայերենում, անգլերենում և այլ լեզուներում՝ Ա-ն է: Սկզբում կարող է անսովոր և դժվար երևալ, բայց շատ հեշտ է գրության ձևը - (ինչպես 3 թվանշանը և լատինատառ T տառը, որոնք մեջտեղում միանում են փոքրիկ գծիկով -): Ճիշտ արտասանության համար, կարող եք յութուբից գտնել վիդեոներ և լսել այն հնդիկ վիդեոբլոգերների կողմից: Իսկ հիմա եկեք սովորենք մի քանի բառ, որոնք սկսվում են այս տառով.
अच्छा (acchaa) --- լավ
Բառամիջում գրվում է միայն Ա-ի T մասնիկը.
अनार (Anaar) --- նուռ 
Namaste(բարև) բառում երկու տեղ հնչում է "Ա" ձայնավորը, բայց գրությունում չկա नमस्ते, որովհետև  (նա) և  (մա) տառերում արդեն իսկ կա արտասանվող տառը:


Հաջորդ ձայնավորը (աա)-ն է, որը գրությամբ առաջինից տարբերվում է աջ կողմից զուգահեռ տարվող գծիկով, իսկ արտասանությամբ՝ հնչում է երկար "ա":  
आग(Aag) - կրակ
आम(Aam) - մանգո
नाम(Naam) - անուն

आपका(Aapka) - ձեր


25 дек. 2016 г.

Ռամն ինձ օգնական

Ռաման (Ռամը) հինդուիստական աստված է: Նրա մասին պատմող "Ռամայանա" էպոսը՝ կազմված 24 հազար երկտողից, պատմում է նրա սխրագործությունների, նրա կին Սիտայի մասին: Հետազոտողները չկարողացան սահմանել ասքի ստեղծման տարեթիվը, բայց մոտավորապես նշում են մ.թ.ա. 200թ.-ից մինչ մ.թ. 200 թ.-ն ընկած ժամանակահատվածը:

Լորդ Ռաման.
նկարը թվագրված է 1816.թ.-ին

ԴաՄարահտա արքայի որդի Ռամը մեզ օգնական. (պատմությունը)

Այդոհյա երկրի թագավոր ԴաՄարահտան երկար ժամանակ երեխաներ չէր ունենում: Թագավորը մեծ զոհեր մատուցեց Վիշնուի արձանի առջև աստծուն խնդրելով, որ իրեն երեխա պարգևի: Վիշնուին դուր եկան ընծաները, և նա մարմնավորվեց ԴաՄարահտայի չորս որդիների մեջ: Արքայի չորս որդիների մեջ ամենաբարին և ամենաուժեղ մարտիկը Ռամն էր: Շիվա աստվածն ապագա հերոսին նվիրեց մարտիկի կախարդական կացին(չէ, Հրաչին չի նվիրել) , որը կարող էր նույնիսկ դև սպանել:

Պատանի Ռամը

Այդ ժամանակ Վիդեխա երկրի թագավորը գեղեցկուհի դուստր Սիտային ունեցավ: 
Ռաման և Սիտան աստվածների կողմից ի ծնե կանխորոշված էին միմյանց համար: ԵՎ զարմանալի չէ, որ առաջին իսկ հանդիպումից հետո նրանք որոշեցին ամուսնանալ:
Հերոս Ռամը ստիպված էր հաճախ բացակայել տնից, որպեսզի հերթական անգամ մարտնչի վիշապների  և չար ոգիների դեմ: Նրա հերթական արշավի ժամանակ դևերի արքա Ռավանը առևանգում է Սիտային և տանում Լանկա կղզի:


Իմանալով այդ մասին՝ Ռաման օգնության է կանչում իր եղբայր Լակշմանին և կապիկների արքա Հանումանին: Նրանք սպանում են 5000 դև-մարտիկների, իսկ Ռամը նիզակով խոցում է նրանց թագավոր Ռավանին:

Ռամա, Սիտա, Լաքշմանա

Ռավան դևը քույր ուներ, որը որոշեց վրեժ լուծել Ռամից: Տարբեր մարդկանց կերպարանքներ ընդունելով՝ նա ժողովրդի մեջ լուրեր տարածեց, թե գեղեցկուհի Սիտան դևերի արքայի հետ դավաճանել է Ռամին:
Որպեսզի ապացուցի կնոջ անմեղությունը, Ռամը ստիպված էր համաձայներ այն բանի հետ, որ կինը պետք է կրակով փորձության ենթարկվի: Արքայադստերը կապում են սյանն ու շուրջը հսկայական խարույկ վառում:


Կրակի աստված Ագնին կրակին հրամայում է չդիպչել Սիտային, և ամուսնու նկատմամբ նրա հավատարմությունն ապացուցվում է...:
Սակայն սա հնդկական էպոս է և դեպքերը այսքանով չի ավարտվում: Դև Ռավանի քույրը սկսում է նորից տարբեր կերպարանքներով շրջել մարդկանց մեջ և պատմել, թե Սիտան իբր քնում է ուրիշ տղամարդկանց հետ:


Ռամին սիրելի կնոջն անտառ քշելուց բացի, այլ բան չէր մնում անելու: Եթե Սիտան մնար քաղաքում, ապա կսպանեին: Անտառում Սիտան Ռամայի համար ունեցավ երկու որդի(Լավա և Կուշա):

Ռամի որդիները մեզ օգնական :/

Հետո Ռամը գնում է անտառ կնոջ հետ ապրելու, Սիտան խնդրում է երկրին, որ կուլ տա իրեն: Գեղեցկուհի արքայադուստրը գետեր, որ իր ամուսնուն վիճակված է դեռ շատ սխրագործություններկատարել և ինքը որոշեց չխանգարել նրան...: 



Այսքանից հետո դե արի ու մի ասա "Ռամն ինձ օգնական": Եկեք հասկանանք իիի ուտտարանի նանիին:
Հինդուիզմում կա տոն նվիրված Ռամա աստծո ծննդին, որի մասին էլ կլինի հաջորդ նյութս: Շնորհակալություն ընթերցելու համար: Եվ վերջում.
ԵՍ ՔՐԻՍՏՈՆՅԱ ԵՄ ԵՎ ԱՍՈՒՄ ԵՄ ՈՉ ՌԱՄԱՆԵՐԻ ԳՈՅՈՒԹՅԱՆԸ :)