Հնդկաստանը նման է մի ծովի, որքան նրանով երկար ես գնում, այնքան խորն է դառնում:

Երկիրն այն, որ ընկած է օվկիանոսից հյուսիս,.
ԵՎ ձյունապատ լեռներից հարավ, կոչվում է Բհարատ,.
Քանի որ նրա բնակիչները Բհարատի հետնորդներն են:

31 окт. 2015 г.

Կարվա Չաութհ

Հինդու ամուսնացած կանայք այսօր՝ հոկտեմբերի 30-ին ծոմ են պահում իրենց ամուսիների երկարակեցության և առոջության համար: Այս փառատոնը կոչվում է Կարվա Չաութհ, տոնում են մեկ օր:
Շատ տղամարդիկ ևս ծոմապահություն են անում իրենց կնոջ երկար կյանքի եւ առողջության համար: Այս օրը ծոմապահք են անում նաև որոշ (ոչ շատ) չամուսնացած տղամարդիկ, որպեսզի ունենան գեղեցիկ կանայք:


Կարճ փորձեմ նկարագրել Կարվա Չաութհի ծիսական արարողությունը.
1. Սկսում են նախապատրաստվել փառատոնից մեկ շաբաթ առաջ:
2. Այցելում են գեղեցկության սրահներ, ձեռքերին և ոտքերին բարդ նախշերով հինա անում, գնում են սարի(շատ անգամ նոր ամուսնացածները հագնում են իրենց հարսանեկան հագուստը), զարդեր և կոսմետիկա:


3. Այդ օրը կանայք արթնանում են շատ շուտ, մինչև արևածագ կուշտ ուտում և խմում են (եթե ապրում են ծնողների հետ, լուսաբացի կերակուրը պատրաստում է մայրը)


4. Լույսը բացվում է, և սկսվում է ծոմապահությունը:Կանայք ողջ օրվա ընթացքում չեն ոտում և խմում:
5. Երկրպագում են Շիվա, Պարվատի, Գանեշ, Կարտիկեյա և լուսնի աստվածներին, իրենց ամուսինների և երեխաների երկարակեցության և առոջության համար: 


6. Ծնողները ուղարկում են նվեր զամբյուղ իրենց ամուսնացած դստրերին, որը պարունակում է՝ քաղցրավենիք, հինա, միրգ և սարի:


7. Մինչև արևի մայր մտնելը կանանց մեծ մասը հավաքվում են մեկի տանը, և պատրաստում մի անկյուն Պուջա աստվածուհու համար:


8. Երեկոյան սկսվում է արարողությունը, կանայք նստում են աստվածուհու պատկերի առաջ, տիկա են դնում ճակատին, ջուր և բրինձ շաղ տալիս պատկերի վրա:
9. Հավաքվածներից ամենածերը պատմում է Կարվա Չաութհի առասպելը:


10. Ապա նորից աղոթում են իրենց ամուսինների և երեխաների երկար կյանքի և բարօրություն համար:
11. Դուրս է գալիս լուսինը, մաղիչի միջոցով առաջինը նայում են լուսնին, ապա արագ իրենց ամուսնուն:


12. Ամուսինը իր ձեռքով ջուր է խմեցնում կնոջը, և առաջին պատառ սնունդը առաջարկում կնոջը:


13. Ապա բոլորով ճոխ ճաշում են..:

10 окт. 2015 г.

Կենդանի – Pashu पशु ( 45 նոր բառ)

  1. Բու - Ullu उल्लू ( Ուլլու ) 
  2. Ուղտ - Oont ऊँट ( Ունթ ) 
  3. Կրիա - Kachuaa कछुआ ( Կըչուա ) 
  4. Շուն - Kuttaa कुत्ता ( Կուտտա ) 
  5. Կով - Gaay गाय ( Գայ ) 
  6. Թռչուն - Ciriyaa चिड़िया ( Ճիրիյա ) 
  7. Այծ - Bakri बकरी (Բըկրի)
  8. Բադ - Battakh बत्तख ( Բըտըք ) 
  9. Կապիկ - Bandar बन्दर ( Բընդըր ) 
  10. Վագր - Baagh बाघ ( Բագհ )
  11. Կատու - Billee बिल्ली ( Բիլլիի ) 
  12. Արջ - Bhalu भालू ( Բհալու ) 
  13. Ոչխար - Bher भेड़ ( Բհեր ) 
  14. Գայլ - Bheriyaa भेड़िया ( Բհերիյա ) 
  15. Ձուկ - Machlee मछली ( Մըչլի ) 
  16. Հավ - Murgee मुर्गी ( Մուրգի ) 
  17. Գորտ - Mendhak मेंढक ( Մենդհըկ ) 
  18. Օձ - Saanp साँप ( Սանպ ) 
  19. Փիղ - Haathi हाथी ( Հաթհի ) 
  20. Ավանակ - Gadha गधा ( Գըդհա)
  21. Խոզ - Suar सुअर ( Սուար )
  22. Վարազ - Jangali Suar जंगली सुअर ( Ջնգլի սուար )
  23. Ցուլ - Saand सांड ( Սանդ )
  24. Հորթ - Bachhiya बछिया / Bachhda बछड़ा ( Բըչիյա / Բչըրա )
  25. Շիմպանզե - Banmaanush बनमानुष ( Բընմանուշ )
  26. Եղնիկ - Hiran हिरन ( Հիրն )
  27. Աղվես - Lomadii लोमड़ी ( Լոմրիա )
  28. Ընձուղտ - Jiraaf जिराफ़ ( Ջիրաֆ )
  29. Նապաստակ - Kharagosh खरगोश ( Քրգոշ )
  30. Ձի - Ghoda घोड़ा ( Գհորա )
  31. Կենգուրու - Kangaroo कंगारू ( Կնգարու )
  32. Ընձառյուծ - Tenduaa तेंदुआ ( Տենդուա )
  33. Առյուծ - Babbar sher बब्बर शेर ( Բըբբր շեր )
  34. Խլուրդ - Chhachhundar छछूंदर ( Չըչունդր )
  35. Մուկ - Mushak मूषक ( Մուշըկ )
  36. Առնետ - Chuha चूहा ( Ճուհա )
  37. Կոկորդիլոս - Magrmacch मगरमच्छ ( Մըգրմճչ)
  38. Հովազ - Cheeta चीता ( Ճիտա )
  39. Ռնգեղջյուր - Gainda गैंडा ( Գենդա )
  40. Սկյուռ - Gilhari गिलहरी ( Գիլհրի )
  41. Զեբրա - Zebra ज़ेबरा ( Զեբրա )
  42. Սիրամարգ - Mor मोर ( Մոր )
  43. Սարդ - Makri मकड़ी ( Մկրի )
  44. Թիթեռ - Titli तितली ( Տիտլի )
  45. Թութակ - Tota तोता ( Տոտա )

Հնդկաստանի զինանշանը

Հնդկաստանի զինանշանն իրենից ներկայացնում է «առյուծների խոյակի» պատկեր, որը գտնվում է Սարնաթում՝ Աշոկայի սյան վրա։

Քանդակը Կալկաթայի թանգարանում

Բնօրինակում չորս առյուծ կանգնած են մեջք մեջքի՝ բարձրացած խճանկարներով խոյակի վրա, որին պատկերված է փիղ, քառատրոփ ձի, ցուլ և առյուծ՝ առանձնացված զանգակաձև լոտոսի վրա տեղակայված անիվներով։ Սյան խոյակը զարդարված է նաև արդարության անիվով, որը կոչվում է Դհարմա Չակրա։ Չորրորդ առյուծը գտնվում է քանդակի հակառակ կողմում և հետևաբար զինանշանի վրա պատկերված չէ։

Հնդկաստանի զինանշան

Մ.թ.ա. 3–րդ դարի կեսերին Աշոկա Արքան կանգնեցրեց խոյակով մի սյուն, որ նշի այն տեղը, որտեղ Բուդդան (Սիդհարթա Գաութամա) առաջին անգամ ուսուցանել է դհարման և որտեղ հիմնադրվել է խորոշրագույն բուդդայական սանգհան (համայնքը)։


Բուդդայականության մեծ նվիրյալ Ջավահարլալ Ներուի պնդմամբ 1950 թվականի հունվարի 26-ին, երբ Հնդկաստանը դարձավ հանրապետություն, հենց այս քանդակի պատկերն ընդունվեց որպես երկրի պետական զինանշան։


Զինանշանը խորհրդանշում է ժողովուրդ, որը խիզած է, ուժեղ, խելամիտ և վախեցնում է հակառակորդին։ Խոյակի վրայի չորս կենդանիները խորհրդանշում են հորիզոնի չորս կողմերը. առյուծ՝ հյուսիս, փիղ՝ արևելք, ձի՝ հարավ, ցուլ՝ արևմուտք (զինանշանի վրա երևում են միայն ձին և ցուլը)։ Ամբողջովին ծաղկած լոտոսն ունի կյանքի աղբյուրի իմաստ։ Խոյակից ներքև դևանագարիով գրված է सत्यमेव जयते (Satyameva Jayate, «Միայն ճշմարտությունն է հաղթում»)։ 

Հնդկաստանի նախկին զինանշանները.

Բրիտանական Հնդկաստանի զինանշանը, 1858–1947

Պորտուգալական Հնդկաստանի զինանշանը, 1951–1974

Հնդկաստանի դրոշ

Հնդկաստանի Հանրապետության ազգային դրոշը Հնդկաստանի Հանրապետության պետական խորհրդանիշներից է։ Ընդունվել է 1947 թվականի հուլիսի 22-ին։ Դրոշը ստեղծվել է Պինգալի Վենկայայի կողմից։

Պինգալի Վենկայան Հնդկաստանի նշանավոր Ազատագրական
շարժման գործիչներից է, և Հնդկաստանի դրոշի հեղինակը։

Ազգային դրոշը հորիզոնական հավասարաչափ եռագույնն է, որը կազմված է մուգ նարնջագույն (վերևում), սպիտակ (մեջտեղում) և մուգ կանաչ (ներքևում) գույներից: Կենտրոնում սպիտակի վրա կա մի կապույտ ղեկ, որը ներկայացնում է Սարնաթի Ashoka Chakra-ն:

Հնդկաստանի դրոշը

Ashoka Chakra

12 сент. 2015 г.

Սովորում ենք հինդի - 2

Բարի լույս - Suprabhaat सुप्रभात ( Սուպրաբհաաթ )
Բարի գիշեր - Shubha Ratri शुबहा रात्रि (Շուբհա Ռատրի)
Առավոտ - Subah सुबह
Կեսօր - Dopahar दोपहर
Գիշեր - Raat रात

                                

Միշտ - Hamesha हमेशा (Հըմեշա)
Տխուր - Dukh दुख (Դուքհ)
Լաց - Rona रोना (Ռօնա)
Ծիծաղ - Hasana हसना (Հըսնա)
Ուրախ / Երջնիկ - Khushi ख़ुशी (Քհուշի)
Ժպիտ - Muskaan मुस्कान ( Մուսկաան)


Դուք գիտեք՞ հինդի - Kyaa Aapko Hindi Aati Hai?
Ես չեմ խոսում հնդկերեն - Main Hindi Nahi Bolta/Bolti Hoon
Ես սովորում եմ հինդի - Main Hindi Sikhta/Sikhti Hoon


Տես նաև.

4 сент. 2015 г.

Հնդկական աֆորիզմներ

1. Երբ դու ծնվեցիր, դու լացում էիր, իսկ ողջ աշխարհը՝ ծիծաղում: Ապրիր այնպես, որմահանալիս դու ծիծաղես, իսկ ողջ աշխարհը՝ լացի:

2. Երբ մի մարդը պատերազմում հազար անգամ հաղթում է հազար հոգու, իսկ մյուսը հաղթում է միայն ինքն իրեն, ապա նրա հաղթանակն ավելի մեծ է: Ավելի լավ է հաղթես ինքդ քեզ, քան մնացած բոլոր մարդկանց:

3. Երիտասարդ տարիքում մարդը կորցնում է իր առողջությունը հանուն փողի, իսկ մեծանալով՝ վատնում է բոլոր փողերը՝ առողջությունը ետ բերելու համար – բայց դա դեռ ոչ ոքի չի հաջողվել:

4. Եթե ինչ-որ մեկը դավաճանում է ձեզ մեկ անգամ, դա իր մեղքն է: Եթե ինչ-որ մեկը դավաճանում է ձեզ երկու անգամ, դա արդեն ձեր մեղքն է:


5. Խելացի ուղեղները քննարկում են գաղափարներ, միջին ուղեղները՝ իրադարձություններ, փոքր ուղեղները՝ մարդկանց:

6. Սովորիր ուրիշների սխալների վրա: Հնարավոր չէ ապրել այնքան երկար, որպեսզի ամեն ինչ սովորես սեփական սխալների վրա:

7. Ով զայրույթով չի պատասխանում զայրույթին, փրկում է և՛ իրեն և՛ դիմացինին:

8. Հանճարեղ է նա, ով դառնում է կույր ուրիշների կանանց առջև, կաղ՝ ուրիշների հարստության ետևից վազելիս և խուլ՝ ծանոթների հասցեին անարգանք լսելիս:

29 авг. 2015 г.

Ռասգուլա - Հնդկական քաղցրավենիք


Բաղադրիչներ`
Կաթ – 1 լիտր
Կիտրոնի թարմ հյութ – 2.5 ճաշի գդալ
Շաքարավազ- 150 գրամ
Ջուր – 350 մլ



1. Եռացնել 1 լիտր կաթը:









2. Անընդհատ խառնելով ավելացնել 2.5 ճաշի գդալ կիտրոնի հյութը:







3. Մեկ-երկու րոպեից կաթը կկտրվի և կաթնաշոռի նման
զանգված կառաջանա:









4. Կաթնաշոռը քամել, լվանալ սառը ջրով, նորից լավ քամել:
Հնդիկներն այս կոչում են «պանիր»:









5. Տարածել «պանիրը» սեղանի վրա: Ձեռքով տրորել այնքան,
որ համասեռ զանգված դառնա:









6. Ձեռքերը մի քիչ յուղոտել և հունցել:
Զանգվածից ընկույզի չափ գնդիկներ անել:









7. Գնդիկները պետքէ լինեն հարթ, կլոր, առանց ճաքերի:











8. Կաթսայի մեջ լցնել մեկ երրորդ լիտր ջուր և
150 գրամ շաքար: Անընդհատ խառնել, եռացնել,
 թողնել եռա հինգ րոպե:







9. Գնդիկները գցել ջրի մեջ, արանքներ թողնել,
որովհետև գնդիկները մեծանալու են: Կափարիչը
փակել և տասը րոպե եփել:







10. Կաթսան կրակից վերցնել, դնել սառը ջրի մեջ և թողնել
ՄԵԿ օր կափարիչը փակ: Այդ ընթացքում քաղցրաջուրը
ներծծվում է:







Եվ ահա ռասգուլան պատրաստ է: Բարի ախորժակ!!!


Տես նաև - Ջալեբի , Լադու

Քույր-եղբայրների տոնը՝ Ռակշա Բանդհան

Օգոստոսի 29-ին Հնդկաստանում տոնում են քույր - եղբայրների տոնը` Ռակշա Բանդհան: Տոնը խորհրդանշում է քրոջ սերը եղբորը, և աղոթքները նրա բարեկեցության համար, իսկ եղբայրը երդվում է ցմահ պաշտպանել քրոջը:


Ինչպես է կատարվում ծիսակատարությունը.
1. Քույրը Աարտի սկուտեղը պտտում է եղբոր դեմքի առաջ


2. Քույրը եղբոր դաստակին Ռակհի է կապում (Ռակհին կարող է լինել հասարակ թելից գունավոր հյուսված կամ բարդ ձևավորումով)



3. Միասին աղոթում են
4. Աղոթքից հետո քույրը եղբոր ճակատին տիլակ է դնում (Հնդկական խալեր (Տիլակ))


5. Քույրը իր ձեռքով կերակրում է եղբորը, հետո եղբայրը` քրոջը(քաղցրավենիք կամ չոր միրգ)


6. Հետո եղբայրը նվերներ է տալիս քրոջը (Հագուստ, զարդեր..)
7. Նրանք գրկախառնվում են և նկարվում, իսկ ընտանիքի անդամները շնորհավորում են նրանց սիրո եւ պաշտպանության համար..


-----Շնորհավոր Ռակշա Բանդհան :)))

20 авг. 2015 г.

Հավով կորմա

Հավով կորման հյուսիսային Հնդկաստանի ավանդական ուտեստներից է, այն սովորաբար մատուցում են բրնձի և նաան լոշիկի հետ:


Բաղադրիչներ

Հավի դոշ - 2 հատ
Բուսայուղ - 2 ճ.գդ.
Սխտոր - 2 պճ.
Սոխ - 1-2 գլ.
Կոճապղպեղ - 0.5 թ.գդ.
Կարմիր կծու պղպեղ - 0.5 թ.գդ.
Դարչին - 0.5 թ.գդ.
Քրքում - 0.5 թ.գդ.
Սպիտակ պղպեղ - 0.5 թ.գդ.
Լոլիկի պահածո - 250 մլ
Հավի արգանակ - 0.5 բաժ.
Նուշ` աղացած - 2 ճ.գդ.
Սերուցք - 4 ճ.գդ.
Թթվասեր` ջրիկ - 4 ճ.գդ.
Աղ
Բրինձ - 1.5 բաժ.


Պատրաստման եղանակը
Համեմունքները` կոճապղպեղը, կարմիր կծու պղպեղը, 
սպիտակ պղպեղը, քրքումը, դարչինը, խառնել: 
Սոխն ու սխտորը խորանարդաձև կտրտել: 





Կաթսայի մեջ ջուր եռացնել, աղ անել, բրինձը լցնել մեջը.
Մինչև եռքը վերսկսելը` մի քանի անգամ խառնել, 
որպեսզի բրինձը չկպչի կաթսայի հատակին: 






Տապակի մեջ բուսայուղ տաքացնել, համեմունքների 
խառնուրդը տապակել 5 վարկյան, լցնել սոխի և սխտորի
խառնուրդը, խառնելով տապակել մոտ 6 րոպե` 
մինչև սոխը փափկի, ապա ավելացնել 3*3 սմ չափի 
կտրտած հավի միսը:




Լցնել լոլիկն իր հյութով, եփել այնքան` մինչև միսը
սպիտակ կեղև կապի, ավելացնել արգանակը, 
եփել 3 րոպե, կրակն իջեցնել, ավելացնել աղացած նուշը, 
սերուցքն ու թթվասերը, եփել ևս 3-4 րոպե:




Մատուցել բրնձի և լավաշի հետ: Հիշենք, որ Հնդկաստանում ձեռքով կամ լոշիկով են վերցնում ուտեստը:


18 авг. 2015 г.

Յոգա

Յոգան գիտելիքների մի համակարգ է, որը նպաստում է մարդու ֆիզիկական, մտավոր և հոգևոր զարգացմանը: Այնինքնաճանաչման արվեստ է, որը սկսվում է մարմնի ֆիզիկական կատարելագործումից և ավարտվում հոգուկատարելիությամբ ու մարդու մաքրությամբ, բնության և տիեզերքի հետ ներդաշնակությամբ:


Յոգան կազմնավորվել է հին արիական քաղաքակրթության ծաղկման շրջանում, մոլորակի տարբեր հատվածներում` զուգահեռաբար, ապա, վերոնշյալ քաղաքակրթության կոլապսից հետո, պահպանվել է գերազանցապես Հնդկաստանում և արևելքի մի քանի այլ երկրներում:

Շիվայի արձանը յոգայական
խորհրդածության ժամանակ
Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է՝ “Կապ”։ Կապ քո ներաշխարհի, քո շուրջը գտնվող մարդկանց, այլ կենդանի էակների ու բնության հետ։ Յոգան գիտություն է, այլ ոչ թե լոկ սպորտանման մի բան, ինչպես այն հաճախ, խեղաթյուրված ձևով մատուցվում է բազմաթիվ աղբյուրներում։ “Աշտանգա Յոգա” կոչվող այս ոճը, որը, կրկին սանսկրիտերեն, նշանակում է “Ութ Փուլանի Յոգա”, ֆիզիկական, մտավոր և հոգևոր ոլորտների շատ լայն ու կոմպլեքս համակարգ է, ոլորտներ, որոնք մարդուն հզորացնում են՝ մարմնի կեցվածքների (Ասանաներ), շնչառական վարժությունների (Պրանայամա), կենտրոնացման վարժությունների (Մեդիտացիա) և ինքնաճանաչման բազմաթիվ այլ միջոցների օգնությամբ։ Այս համակարգի հիմնական բնութագրերից մեկն այն է, որ, որքան ավելի ես մոտենում դրան, այնքան ավելի հաճելի է դառնում պրոցեսը՝ լի ինքնահայտնագործման բազում արկածային պահերով։


Յոգայի ութ փուլերն են.
1. Յամա (էթիկայի չափանիշներ, զսպվածություն, անձնական հիգիենա, բարոյականության նորմեր)
2. Նիյամա (ինքնակազմակերպում, սոցիալական և հոգևոր կողմնորոշում)
3. Ասանա (մարմնի համար հարմար դիրքեր)
4. Պրանայամա (շնչառության կարգավորում և ղեկավարում)
5. Պրատյահարա (զգայարանների ճանաչում և ղեկավարում)
6. Դհարանա (կենրոնացում որևէ կոնկրետ օբյեկտի վրա)
7. Դհիյանա (մեդիտացիա, կենտրոնացման թիրախ-օբյեկտի հետ կապի հաստատում)
8. Սամադհի (գեր-գիտակից, պայծառացման որակներով բնութագրվող վիճակ, որում մենք մերձենում ենք բնության տարերքների, Տիեզերքի հետ, ճանաչում ենք ինքներս մեզ ու մեր շրջապատող աշխարհը՝ մեր Ճամփան ավելի հավեսով ու պատվով անցնելու, երջանիկ լինելու համար)